Құрылыс  сапасын  бақылау  жұмысына  бірқатар  өзгерістер  енгізіледі

Құрылыс сапасын бақылау жұмысына бірқатар өзгерістер енгізілмек, деп хабарлайды индустрия және инфрақұрылымдық даму министрлігі.

Қала құрылысы және сәулет-құрылыс бақылауы басқармасының басшысы Тимур Бижановтың айтуынша, соңғы уақытта рұқсат құжаттарынсыз құрылысты  бұзу  жағдайлары  жиілеп  кетті.

Осы орайда министрлік сәулет, қала құрылысы және құрылыс объектілері істері жөніндегі жергілікті атқарушы органдардың қызметіне тұрақты түрде қатаң бақылау жүргізеді.

"Бүгінгі таңда қолданыстағы мемлекеттік бақылау жүйесі мораторий аясында тексеру тағайындау туралы әкімдердің өтініштері мен оң шешімдерінсіз салынып жатқан объектілерді қамтуға мүмкіндік бермейді. Осыған байланысты, министрлік нысандарды жоспарлы бақылау тетігін енгізуді ұсынып отыр. Осы орайда тапсырыс берушінің жоспарлы бақылау жүргізуіне ерікті түрде келісімін беруі көзделеді", - делінген хабарламада.

Жоспарлы бақылау нәтижелері бойынша айыппұл және шектеу шаралары қолданылмайды. Бақылаудың ұсынылып отырған түрі құрылыстың барлық циклдерін тұрақты мемлекеттік бақылау және зертханалық бақылаумен бірге құрылыстың сапасын арттыруға мүмкіндік береді.

Сондай-ақ, объектілерді пайдалануға қабылдау рәсіміне бірқатар өзгерістерді енгізу ұсынылады. Бүгінгі күні сәулет, қала құрылысы және құрылысын бақылау органдары қабылдау актісін салыстырып тексеруді объектіге бармай-ақ камералдық түрде жүзеге асырады.

Осыған байланысты, құрылыс салушылардың бақылауды әлсіреткендерін анық елемеуі байқалады және объектілер құрылыс кемшіліктерімен қабылдану оқиғалары орын алуда. Осыған байланысты екі механизм ұсынылды:

Мемлекеттік сәулет-құрылыс басқармасы объектісіне жоспарлы бақылау жүргізілген жағдайда, мемлекеттік сәулет-құрылыс басқармасы қабылдауға шығусыз қатысатын болады (қорытынды береді).

тапсырыс беруші ерікті түрдегі бақылау жоспарынан бас тартқан жағдайда, мемлекеттік сәулет-құрылыс басқармасы қабылдау актісі келіп түскен кезде объектіге барып, қорытынды береді.

Бұл ұсыныстар "Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы" Қазақстан Республикасы заңының жобасында көзделген.

Мәтіндегі ақпарат туралы