Ұлттық банктің айтуынша, Алматы қаласы мен Алматы облысында ақшаны қолдан жасайтындар көп.

       Былтыр 649 100 теңге болатын 181 жалған ақша анықталды, деп хабарлайды Қазақстан ұлттық банкі.

       Оның 179-ы – банкнота, екеуі – монета. Десе де, 2022 жылға қарағанда бұл көрсеткіш аз дейді, ұлттық банк.

       "Бұл көрсеткіш 2022 жылмен салыстырғанда 53,7%-ға аз, бұл жылы 1 237 250 теңгеге парапар 391 жалған ақша анықталған. Жалған ақша белгілерінің номиналдарына жасалған талдау жұмыстарынан 5000 теңгелік қағаз ақшаның – 68 данасы табылды. Бұл жалпы анықталған жалған ақша санының 37,6%-і, 2 000 теңгелік қағаз ақшаның – 58 данасы, яғни 32% қолдан көп жасалатыны белгілі болды", - дейді ведомство.

        Ұлттық банктің айтуынша, Алматы қаласы мен Алматы облысында ақшаны қолдан жасайтындар көп. Алматы облысында 124 дана жалған ақша анықталды. Бұл жалған ақшаның жалпы санының 68,5%-і, дейді Ұлттық банк.

       "Қазақстанда жалған банкноталар көбіне компьютерлік техниканы, қарапайым түрлі түсті принтер мен офсеттік қағаздар арқылы жасалады. Ақшаны қолдан жасаушылар визуалды қорғаныш элементтерін мейілінше ұқсатып жасауға тырысады", - дейді банк мамандары.

       https://kaz.сaravan.kz