Қазақстанның ең лас қалалары белгілі болды

Қазгидромет еліміздегі ең қатты ластанған қалалар тізімін жариялады.

27 қыркүйек пен 3 қазан аралығындағы кезеңде мынадай көрсеткіштерге сүйенсек, ең лас қалалар көшін Астана бастап тұр. Мұнда шекті жол берілетін нормалардан асып кетудің 1318 жағдайы тіркелді. Қаланың ауасы Бабатайұлы көшесі ауданында ластанған.

Екінші орында Қарағанды ​​қаласы. Мұнда шекті рұқсат етілген нормалардан асып кетудің 521 жағдайы тіркелді.

Үшінші орында Алматы. Алматы қаласында шекті жол берілетін шоғырланудан асып кетудің 123 жағдайы тіркелді. Қаланың ауасы Түрксіб ауданы бойынша барынша ластанды.

Ластану көрсеткіші жоғары өңірлердің тағы бірі Петропавл. Мұнда шекті рұқсат етілген нормалардан асып кетудің 115 жағдайы тіркелді.

Ең таза ауа Шымкент пен Ақтөбеде тіркелді.

Мәтіндегі ақпарат туралы