2021 жылдың қорытындысы бойынша 354 қазақстандық жеке тұлғаның шетел банктерінде шоттары бар, деп хабарлайды Мемлекеттік кірістер комитетінің баспасөз қызметі.

Осылайша, мемлекеттік кіріс органдары Қазақстан Республикасынан тыс жерлердегі депозиттер туралы ақпарат таратпайды.

Өткен жылы мемлекеттік қызметшілерден басқа кірістер мен мүлік туралы декларацияларды ұлттық компаниялар мен холдингтердің, банктердің, қаржы және сақтандыру ұйымдарының басшылары, депутаттар, әкімдер, сондай-ақ мемлекеттік қызметке, Мәслихат депутаттығына кандидаттар мен олардың жұбайлары табыс пен мүлік туралы декларацияны алғаш рет ұсынды.

«2021 жылғы 31 желтоқсандағы жағдай бойынша кірістер мен мүлік туралы декларацияда 354 жеке тұлғаның шетел банктерінде шоттары бар. Оның ішінде 138 жеке тұлға лауазымды тұлға, ақшаның жалпы сомасы 1 665 746 550 еуро немесе 529 132 842 427 теңге. Шетел банктеріндегі ең көп сома БАӘ-де 308 млрд теңгені құрайды. Одан әрі Сингапур банктерінде 158 млрд теңге және Швейцария депозиттеріне 36 млрд теңге тиесілі», - делінген Мемлекеттік кірістер комитетінің хабарламасында.

Фото open-offshore.net