Қазақстандық ең жас ректор

"Болашақ "бағдарламасының түлегі, білім беру саласындағы философия докторы, білім берудегі көшбасшылық және менеджмент саласындағы гуманитарлық ғылымдар магистрі Лаура Қарабасова Ақтөбедегі Жұбанов университетіне ректор  болып тағайындалды. Жаңа ректорды Қазақстанның Білім және ғылым министрі Асхат Аймағамбетов  өзі барып  таныстырды. Бұл туралы оқу орнының сайтында жазылды.

Лаура Қарабасова Жұбанов университетінің түлегі 2008 жылы түрлі жылдары Назарбаев Зияткерлік мектебінің, Назарбаев Университеті Жоғары білім беру мектебінің білім беру бағдарламалары орталығында жобаларды басқарды, "ақпараттық-талдау орталығы"АҚ-да жұмыс істеді.

Ол  Қазақстан тарихындағы ең жас ректор болып отыр. Лаура Қарабасова  еліміздің үздік ғалымдарының қатарында, ол әлемдік ғалымдармен бірлесіп жазылған білім беруді трансформациялау бойынша кітаптардың авторы, "Білім және ғылым"бағыты бойынша Ұлттық Ғылыми кеңестің мүшесі болып табылады.

"Лаура Чапайқызы Назарбаев Университетінде менеджерден департамент басшысына дейінгі жолдан өтті. Әлемдік деңгейдегі білімді игере отырып, ол өз Университетінде өз тәжірибесімен бөлісуге дайын", - деп мәлімдеді Аймағамбетов жаңа ректорды таныстыра отырып.

Лаура Қарабасова 1987 жылы Ақтөбе облысында дүниеге келген. М.Құсайынов атындағы дарынды балалар мектебін бітірген. Қазақ, орыс және ағылшын тілдерін еркін меңгерген.

Лаура Қарабасова. Фото Жұбанов университетінің парағынан алынды.