Сауда және интеграция министрлігі Қазақстанда негізгі азық-түлік қоры жасақталғанын мәлімдеді.

       "Аймақтар мен Сауда желілері одағының мәліметіне сүйенсек, тұрақтылық қорларында тұрғындар сұранысын қанағаттандыру үшін қанттың 3 айлық қоры жасақталған", – делінген министрлік хабарламасында. 

       Тауар жеткізушілер географиясын кеңейту және қант тапшылығы қауіпін азайту үшін өзге елдерден қант шикізаты сатып алу жұмыстары жүріп жатыр екен. 

       "Қазақстан тамыз айының соңына дейін кедендік салық төлемей 250 мың тонна қант кіргізу мүмкіндігіне ие", – деп нақтылады ведомстводағылар. 

       Қант бағасын бір қалыпты ұстап тұру мақсатында жергілікті атқарушы органдар сауда нысандарында "айналым жүйесі" және тұрақталық қорларын интервенциялау сынды шаралар қабылдамақ.

Айта кетейік, бқған дейін елімізде қарақұмық пен күнбағыс майының арзандауы мүмкін екенін хабарлаған едік.

Stan.kz