Қазақстандық сапа және инновациялық менеджмент ұйымының ұйымдастыруымен Алматыда «Сапалы инновация – табысқа апарар жол» тақырыбында Халықаралық конференция өтті. Бұл Қазақстанда алғаш рет ұйымдастырылды.

       «2022 жылдың сапалы инновациясы» халықаралық байқауының жеңімпаздарын марапаттау  салтанатын  «KOKIM» үкіметтік емес ұйымының президенті, «Сапалы Қазақстан / Quality Kazakhstan» порталының бас редакторы, Халықаралық сапа академиясының академигі (IAQ, АҚШ), менеджмент бойынша халықаралық аудитор, Еуропалық сапа менеджменті қорының (EFQM) лицензияланған бағалаушысы және тренері, Қазақстан Республикасы Президентінің «Алтын сапа» сыйлығының сараптамалық тобының мүшесі, Үкімет жанындағы халықаралық қазылар алқасының мүшесі БАӘ, Asian Quality Network (ANQ) басқарма мүшесі профессор Азат Абдархманов ашты. 
     

       Сондай-ақ Қытай сапа қауымдастығының (CAQ) вице-президенті және бас хатшысы доктор Дуан Йонгган қатысушыларға бейне үндеу жолдады.      

       Үздік инновациялық жобаларға арналған 16-шы байқау 20-дан астам елдің ұлттық ұйымдарының қатысуымен өтті. Қазақстан, Қытай, Финляндия, Венгрия, Үндістан, Израиль, Швеция, Испания және басқа да елдердің  жобалары бақ сынады.

       Байқаудың мақсаты –инновациялық жобаларды ілгерілету арқылы  еліміздің экономикалық жағдайын жақсартуға,  әлеуметтік салада бизнестің тұрақты дамуына қол жеткізу болып табылады.      

       Байқауға барлығы 500-ден астам инновациялық жоба сегіз номинация бойынша қатысып, оның 25 үздіктері марапатталды. Жеңімпаздарды электрондық ашық дауыс беру арқылы қатысушы ұлттық сапа ұйымдары таңдады.

       Ұсынылған  әртүрлі саладағы денсаулық сақтау, экология, өндіріс, білім беру, ақпараттық технологиялар сынды  жаңа технологиялар әрбір адамның өмір сүру сапасын айтарлықтай жақсартуға арналған.

       Салтанатты шараға қатысушылар Standard.kz тілшілеріне  алған әсерлерімен бөлісіп, шараның жоғары деңгейде өткенін, шығармашылық және достық жағдайда өткенін атап өтті.

       «Әлемнің түкпір-түкпірінен көрмеге қойылған жобалар өмірдің жалпы сапасын жақсартатын жылдам технологиялық жетістіктерге жетелейтін инновациялардың жоғарылау сапасын көрсетеді».

       Кез келген өз саласындағы супер кәсіби мамандармен қарым-қатынас сияқты, бұл кездесу де менің жүрегімде қарым-қатынас қуанышы мен тәжірибе алмасуға, өмірге жаңалықтар енгізуге деген ұмтылысты қалдырды.

       Салтанатты шара соңында «Qazinnovations» Инновацияларды дамыту ұлттық агенттігі» АҚ төрағасы Аханов Санат Жолдыханұлы лауреаттар мен жүлдегерлерді құттықтап, шараға қатысушыларды ынтымақтастыққа шақырды.   

       Салтанатты шара соңында жүлдегерлер сертификатпен марапатталып, бағалы сыйлықтарға ие болды.