Өндіріс   орындарында  қауіптің  деңгейі   жоғары

Қазақстан Республикасының Еңбек комитеті өндірістегі жазатайым оқиғалардың жиілеп кеткені туралы хабарлайды. Бірінші жартыжылдықта 691 қызметкер  зардап  шекті,  оның 78-і қайтыс болды.  Осылайша, өндірістік жарақаттану деңгейі 2020 жылдың ұқсас кезеңімен салыстырғанда 2,8% - ға өсті (өткен жылдың 6 айында 672 адам зардап шекті). Бұл ретте өндірістік жарақаттанудан болатын өлім – жітім 9,3% - ға төмендеді (2020 жылдың 6 айында өндірісте 86 адам қайтыс болды), - деп атап өтті Еңбек министрлігі.