Наурыз көже

Наурыз көже – Ұлыстың ұлы күні жасалатын қасиетті ас. Ежелден келер жылғы молшылықтың жоралғысы ретінде наурыз тойында әрбір шаңырақта міндетті түрде әзірленген.

Ұлыстың ұлы күні жасалатын Наурыз көженің қатаң рецептісі жоқ. Бастысы, көженің құрамында жеті дән болуға тиіс. Дәстүр бойынша оған бидай, тары, сүр ет, бұршақ, сүт, су, тұз сияқты кем дегенде жеті түрлі дән қосылуы керек. Тақ санын сақтап, мұндай дәндер көбейтіле беріледі. Соғымнан арнайы сақталған мүшелер (қазы, қарта, шұжық, т.б.) де қосылады.