2025 жылдан бастап еліміздің барлық аймағында малдың анықтамасы QR-кодпен ғана беріледі. 

Ұшқыр жоба әзірге еліміздің үш өңірінде; Павлодар, Алматы және Жетісу облыстарында енгізілген. 

Ерекшелігі сол, базардан ет алған кезде сойылған малдың ұрғашы немесе еркек, тіпті, жасы, қай шаруашылықта бордақыланып, қай қасапханада сойылғанына дейін білесіз. Ол үшін ұялы телефондағы қосымша арқылы етке басылған QR-кодты сканерлеу жеткілікті. Барлық ақпарат шыға келеді. 

Бұл жаңашылдықтың ең басты тиімділігі еліміздегі төрт түліктің нақты саны есепке алынады. Мал ұрлығы тиылады. Ауру мал сатылымға шығарылмайды. Осы талаптарды орындау экспортқа жол ашады.
 

Серік Жұманғарин, ҚР Премьер-министрінің орынбасары:

Ол, біріншіден, адамның денсаулығы. Екіншіден, еттің сапасы. Үшіншіден, біраз жыл біздің экспортымыз жабық болып тұрды. 2,5 жыл саудаласып Ресейді аштық біздер. Етімізді , сүтімізді экспортқа шығаруға. Енді кезекте Қытай тұр. Оларменде келісіп отырмыз.

Дереккөз qazaqstan.tv.