М.Әуезов атындағы  Қазақ ұлттық драма театрында  2023 жылдың 4, 7 және 25 сәуір күндері жазушы Ш.Айтматовтың «Кассандра таңбасы» футуристік трагедиясының премьерасы өтеді. Режиссері – Аридаш Оспанбаева.

       Классик жазушы Ш.Айтматов романының сахналық нұсқасы бойынша қойылған «Кассандра таңбасы» спектаклінде адамзаттың рухсыздану мәселесі отбасылық  құндылықтардың қадір-қасиетімен шендестіріле көрсетіледі. Заманауи ғылыми-техникалық, технологиялық жетістіктер мақсатты түрде ізгілік, адамгершілік жолына бағытталмаса – үлкен қасіреттер мен алапат катаклизмдерге соқтыруы мүмкін. Небір апаттардың бастауы – тексіздік. Айтматов өсиеті бүгін де аса өзекті.

       Өтетін орны: М.Әуезов атындағы Қазақ ұлттық драма театрының Үлкен залы

       Өтетін күні: 4, 7 , 25 сәуір

       Басталуы: 18.30-да