PayPal мен Palantir компанияларының негізін қалаушы, миллиардер Питер Тиль допинг пен стероид пайдаланатын спортшылар арасында Олимпиада өткізбек. Алғашқысы 2025 жылы ұйымдастырылуы мүмкін, деп хабарлады Bassport.kz. The New York Post газетінің жазуынша, қатысушылардың сайыс барысында шынайы және ашық түрде допинг қабылдауына болады. Олимпиада ойыны Enhanced Games компаниясының қолдауымен өтпек. Бұл компания биологиялық және тағамдық қоспаларды зерттейді. Мұндай ойындарды өткізудің мақсаты – допинг немесе «таза» спорттың пайдасына өз таңдауын жасай алатын және олар жарысатын елдердің спорт федерациялары мен Үкіметтеріне тәуелді емес спортшылардың ерікті таңдауы. Тильдің идеясы әртүрлі реакцияларға ие болды. Кейбіреулер оны спортшының өмірі мен спорт үшін қауіпті деп атады. Дегенмен миллиардер 17 сәуірде идеяны ұсынады. Ал жазда ол ХОК басшысы Томас Бахпен кездесіп, осы мәселені талқыламақ.

 ҚазАқпарат