Дерматолог Инна Петросова бет пен денедегі "қызыл меңдердің" денсаулыққа қауіпті болуы мүмкін екенін айтты. NEWS.ru басылымымен әңгіме барысында дәрігер бұндай қалдардың әрдайым ауыр ауруларды көрсете бермейтінін айтты, бірақ олар байқалса міндетті түрде маманнан тексеруден өтуге кеңес берді.

     Петросова “қызыл меңдер" көбінесе гемангиомаларды білдіретінін айтады. Олар толығымен қауіпсіз және оларды алып тастау үшін хирургиялық операция қажет емес. Сонымен бірге, дәрігер неоплазманың түсі оның қатерлі немесе қатерлі емес екенін анықтамайтынын атап өтті. Алайда ол  туындаған кезде қауіптің алдын алу үшін дәрігерге көріну керек. Өйткені гемангиоманың көзін құртуды немесе оны қалдырып, одан әрі тыныш өмір сүре беруді тек маман ғана шешеді. 

     Дерматологтың айтуынша, "қызыл мең" шынымен де қатерлі ісік ауруының белгісі болуы мүмкін. Алайда, оның айтуынша, диагнозды арнайы құрылғылармен, дерматоскопиямен немесе биопсиямен визуалды тексеру арқылы ғана жасауға болады. Петросова денеде кез-келген күдікті ісік пайда болған кезде дәрігерге кешікпей баруға кеңес береді

     Stan.kz