Энергетика және коммуникация

Бензин бағасы қанша теңгеге белгіленді?

  Бензин бағасы қанша теңгеге белгіленді?

       Бұл туралы Энергетика министрлігінің кеңейтілген алқа отырысында ведомство басшысы Болат Ақшолақов айтты.

       Министрдің мәліметінше, 2021 жылдың қорытындысы бойынша мұнай өнімдерін өндіру 12,7 млн тоннаны құрады.

     Мұнай өнімдерінің негізгі түрлерінен: бензин өндірісі – 4,8 млн тонна, дизель отыны – 4,9 млн тонна, мазут – 2,4 млн тонна және авиакеросин – 586 мың тонна. 2022 жылға арналған жоспар 13,3 млн тоннаны құрайды, - дейді ол. 

     Сондай-ақ Ақшолақов атап өткендей, Президенттің тапсырмасына сәйкес Энергетика министрлігінің бұйрығымен 180 күн мерзімге мұнай өнімдерін бөлшек саудада өткізуге шекті бағалар мынадай деңгейде белгіленді:

1) АИ-92 маркалы бензин – литріне 182 теңге;

2) АИ-93 маркалы бензин – литріне 182 теңге;

3) АИ-95 маркалы бензин – литріне 215 теңге;

4) дизель отыны (жазғы, маусымаралық) – литріне 230-260 теңге құрайды.

      Сонымен қатар Президенттің «Жаңа Қазақстан: жаңарту және жаңғырту жолы» атты жолдауы аясында, шаруаларды жанар-жағармай материалдарының қажетті көлемімен қолайлы баға бойынша қамтамасыз ету жұмыстары жүзеге асырылады. Бүгінгі күні ауыл шаруашылығы тауарын өндірушілердің көктемгі егіс жұмыстарын уақтылы және тұрақты жүргізуі үшін мұнай өңдеу зауыттарына 1 тоннасына 212 мың теңге бағасымен  400 мың тонна дизель отыны (176 теңге/литр) бөлінді, - деп түсіндірді Энергетика министрі алқа отырысында.

      Сөзінше, жеткізу мен сақтауды ескере отырып, өңірге байланысты болжамды баға ауыл шаруашылығы тауарын өндірушілері үшін бөлшек сауда бағасынан орта есеппен 
15-30%-ға төмен. 

       Ақпарат дереккөзі

 

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру