Бағдаршамдар    күлімдей   бастады   

Нұр-Сұлтанда  смайликтері  бар   бағдаршамдар   мен  көтеріңкі    жаяу   жүргіншілер  өткелдері   орнатылды.

Шұбар тұрғын алабында Космонавтар көшесіндегі автокөлік жылдамдығын мәжбүрлеп шектеу үшін көтеріңкі жаяу жүргіншілер өткелі(пандус) салынды. Бұл жұмыс  жол  қозғалысы қауіпсіздігін қамтамасыз ету және апатты   жағдайды  азайту    мақсатында   жүргізілді,   деп хабарлайды  қала әкімдігі баспасөз хабарламасында.

Жол қозғалысы қауіпсіздігін қамтамасыз ету және апаттылықты төмендету мақсатында "көлік және жол-көлік инфрақұрылымын дамыту басқармасы" ММ Нұр-сұлтан қаласының полиция департаментімен бірлесіп, қаланың көше-жол желісінде ең жоғары жылдамдықты шектеу бойынша пилоттық жоба шеңберінде "Қоңырат" со ауданындағы Шұбар тұрғын алабында Космонавтар көшесі бойындағы көтеріңкі жаяу жүргіншілер өткелін (пандус) жайластырды.  Бұл жұмыс көлік құралдарының жылдамдығын мәжбүрлеп шектеу үшін жүргізілді. "Бұл шаралар құқық бұзушылықтардың тиісті профилактикасын және жол-көлік оқиғаларының, оның ішінде жаяу жүргіншілердің жүруіне және рұқсат етілген ең жоғары жылдамдықты арттыруға байланысты оқиғалардың алдын алуды қамтамасыз етуге мүмкіндік береді. Сонымен қатар, мұндай өткел халықтың барлық топтарына жүріс бөлігінің жайлы өтуін қамтамасыз етуге мүмкіндік береді. Жүргізушілерді жолдарда қырағы болуға және өз маршрутын жоспарлауға шақырамыз", – делінген ведомство хабарламасында.

Сонымен қатар, тәжірибелік мақсатта бейінді басқармамен жаяу жүргіншілер  қозғалысын  реттеп қана  қоймай, азаматтардың  көңіл-күйін  көтеретін  смайликтері   бар  жаяу  жүргіншілер бағдаршамдары   қолданылды.  Мамандардың   айтуынша,  идея  жастар   арасында эмодзилердің   танымалдылығын ескере отырып, жол қозғалысының ең кішкентай қатысушыларының бағдаршам сигналын көрнекі қабылдауын жақсартуға бағытталған.

"Бұл жаңашылдық саябақтарға және желекжолдық нысандарға жақындаған жерлерде реттелетін жаяу жүргіншілер өткелдерінде қолданылды, алдағы уақытта бағдаршам кешенін дыбыстық құрылғылармен толықтыру жоспарлануда", – деп хабарлады басқармадан.

Тиісінше жасыл және қызыл сигналдағы "смайлы" сигналдарымен жабдықталған реттелетін жаяу жүргіншілер бағдаршам объектілерінің тізбесі:

1.Республика даңғылы - "Есіл" СҮ»

2.Республика даңғылы - "Талисман" СҮ»

3.Момышұлы к-сі - "Виктория" ТК»

4.Түркістан көшесі - "Нұржол" желекжолы»

5.Ақмешіт көшесі - "Нұржол" желекжолы»

6.Жұмабаев көш. - "Жерұйық" саябағы»

7.Қабанбай батыр д-лы - " Салтанат Сарайы»

8.Нұр Жол көшесі - "Нұржол" желекжолы.