Елордада азық-түлік бағасын тұрақтандыру үшін не істелуде? Бұл сұраққа Нұр-Сұлтан қаласының инвестициялар және кәсіпкерлікті дамыту басқармасының басшысы Ержан Балтаев қалалық мәслихат отырысында жауап берді, – деп хабарлайды  Standard.kz порталы El.kz-ке сілтеме жасай отырып.

       «Сыртқы факторлардың елордадағы жағдайға әсерін жеңілдету үшін біз кәсіпкерлік субъектілеріне қарыз беру арқылы бағаны тұрақтандыру тетіктерін іске асырып жатырмыз», – деді Ержан Балтаев.

       Оның айтуынша, бүгінгі таңда бұл мақсатқа 13,1 млрд теңге бөлінген.

       «Нақтылауға біз тағы 908 млн теңге бердік. Жалпы, Қазақстан бойынша бұл соманы 100 млрд теңгеге дейін жеткізу қажеттілігі қойылған. Бүгінгі таңда 40 мың тоннадан астам азық-түлік келісімшарт жасалды. Бұл азық-түлік қала сөрелерінде сатылады», – деді Ержан Балтаев.

       Сондай-ақ, отырыста басқарма басшысы халықтың әлеуметтік осал топтарына азық-түлікті арнайы карточка бойынша сататынын тілге тиек етті.

       «Біз қазір» Магнум «ЖШС-мен бірлесіп «Сусын» карталары бойынша тауарды сату жөніндегі пилоттық жобаны пысықтап жатырмыз. Яғни, олардың өз карточкалары бар, біз халықтың әлеуметтік осал топтарының тізімін енгіземіз, бұл шамамен 160 мың адам», – деді Ержан Балтаев.

        Ақпарат дереккөзі