Мемлекеттік қызметтер

Бөлісу

Әрекетсіз салық төлеуші тізімінен қалай шығуға болады?

  Әрекетсіз салық төлеуші тізімінен қалай шығуға болады?

       Салықтық міндеттемелерді уақытылы орындамаған жағдайда салық төлеушілер әрекетсіз деп танылған салық төлеушілер тізіміне енуі мүмкін.

       Салық кезеңі үшін Салық кодексінде белгіленген табыс ету мерзімінен кейін бір жыл өткен соң табыс етілетін мына декларацияларды тапсырмаған жағдайда әрекетсіз салық төлеуші болады, оның ішінде:

       - заңды тұлғалар үшін корпоративтік табыс салығы бойынша декларация, дара кәсіпкерлер үшін жеке табыс салығы бойынша декларация;

       - заңды тұлғалар да, дара кәсiпкерлер де ойын бизнесiне салық, тiркелген салық бойынша декларацияны көрсетiлген салық кезеңiнен кейiнгi үш салық кезеңi үшiн ұсынбаған жағдайда;

       - заңды тұлғалар да, дара кәсіпкерлер де екі салық кезеңі үшін оңайлатылған декларацияны ұсынбаған жағдайда.

       Салық төлеуші өзінің әрекетсіз салық төлеуші тізімінде бар-жоғын kgd.gov.kz сайтында, «Электрондық қызметтер» мәзірінен «Сенімсіз салық төлеушілерді іздеу» бөлімінде тексере алады - делінген ақпаратта.

       Егер салық төлеуші осы тізімде болса, онда мына талаптарды орындау қажет:

       Салық есептілігін табыс ету және есептелген салықтарды төлеу бойынша салық міндеттемелерін орындау;

       «Әкімшілік құқық бұзушылық туралы» Қазақстан Республикасы Кодексінің 272-бабына сәйкес әкімшілік материалды рәсімдеу үшін орналасқан жері бойынша Мемлекеттік кірістер басқармасына келу.

       Сенімсіз салық төлеушілер тізімінен алып тастаудың жалпы мерзімі - 5 жұмыс күні. Тізімнен шығарылғанын 5 күннен кейін «Сенімсіз төлеушілерді іздеу» бөлімінде сайттан тексеруге болады - дейді мамандар.

       Әрекетсіз салық төлеуші болудың кемшіліктері:

       - Әрекетсіз салық төлеушілер тізіміндегілердің мынадай салдары бар:

       - ҚҚС бойынша есептен шығару; серіктестік қызметіндегі контрагенттердің күмәндануы;

       - банктерде шот ашу және несие алу мүмкіндігінің болмауы.

        Ақпарат дереккөзі

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через