Халықаралық тәжірибе

Бөлісу

Amazon 18 мыңнан астам қызметкерін қысқартады

Amazon 18 мыңнан астам қызметкерін қысқартады

Amazon бұрын 10 мың қызметкерін қысқартатыны жайлы хабарлаған еді. Енді ол сан 8 мыңға артып, 18 мың қызметкерін қысқартатын болып жатыр. Бұл туралы компанияның онлайн-сату жөніндегі бас директоры Энди Джесси мәлімдеді. 

 Джессидің айтуынша, қысқарту туралы шешім 2023 жылды жоспарлау аясында «экономикадағы белгісіздік және соңғы екі жылда көп қызметкерлердің жұмысқа алынуына» байланысты қабылданған.

Жүргізілген талдау нәтижелері бойынша Amazon басшылығы бірнеше лауазымды «қосымша жою туралы шешім» қабылдады. Жалпы сату және қызметкерлерді жалдау бөлімдерінен 18 мыңнан астам қызметкер жұмыстан босатылады.

Соңғы екі жылда Amazon қызметкерлерінің саны коронавирус пандемиясынан туындаған онлайн қызметтерге сұраныстың артуына байланысты екі есеге жуық өскен. Сонымен қатар, санитарлық шектеулер алынып тасталғандықтан, компания кірісінің өсімі баяулады.

The Wall Street Journal басылымының мәліметі бойынша, Amazon 2022 жылдың қыркүйегіндегі жағдай бойынша барлығы 1,5 миллионға жуық адамды жұмыспен қамтыған.

Дереккөз ҚазАқпарат. Фото: quote.rbc.ru

 

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через