Қазақ ағартушысы, ғалым, ақын, қоғам қайраткері Ахмет Байтұрсынұлының 150 жылдық мерейтойын дайындау және өткізу жөніндегі мемлекеттік комиссияның отырысы өтті.

Жиында жыл басынан бері мерейтойды өткізу аясында бірқатар маңызды ғылыми-зерттеу, ағартушылық, мәдени-бұқаралық іс-шаралар өткізілгені атап өтілді.

Алматыда ғалымға ескерткіш орнату жоспарланған.

Оның 12 томдық толық шығармалар жинағы басылымға дайындалып жатыр.

 ЮНЕСКО-ның штаб-пәтерінде және ТҮРКСОЙ аясында іс-шаралар өткізу көзделген.

ТҮРКСОЙ ұйымы жыл сайын көрнекті түркітанушы ғалымдарға берілетін Ахмет Байтұрсынұлы атындағы төсбелгі тағайындау туралы шешім қабылдады.

Aғартушының Қостанай облысындағы туған жерінде ғылыми-реставрация жұмыстары ұйымдастырылып қана қоймай, бірқатар әлеуметтік және инфрақұрылымдық жобалар іске асырылып жатыр.

Фото: maps.resurs.kz