Мемлекет

Бөлісу

Алматы жастары баспаналы болады

Алматы жастары баспаналы болады

«Алматы жастары» тұрғын үй бағдарламасына құжат қабылдау мамырда басталады

Биыл аталған жоба аясында қаланың 1 мың тұрғыны баспаналы болады.

Алматы әкімдігі баспасөз қызметінің мәліметінше, құжаттар мен өтініштерді қабылдау мамыр айына жоспарланған.

Несиенің ең жоғары сомасы 18 млн теңгеге дейін.

Жеңілдікпен несиелендіру бойынша «Алматы жастары» қалалық бағдарламасы шеңберінде өтінімдер мен құжаттарды қабылдау нақты қашан басталатыны, бағдарламаның биылғы жылғы шарттары мен талаптары бойынша ақпарат қалалық Тұрғын үй саясаты басқармасының сайтында және әлеуметтік желідегі парақшаларында жарияланады.

Айта кетейік, бағдарламаға 35 жасқа дейінгі жастар қатыса алады, олар: медицина қызметкерлері, мұғалімдер, ЖОО мен ҒЗИ оқытушылары, ғылыми қызметкерлері, мәдениет және спорт саласының қызметкерлері, журналистер, жазушылар, халықты әлеуметтік қорғау және құқық қорғау органдарының мамандары.

2020 жылы үй алуға берілетін қарыз 13 млн теңге еді. Былтыр несие көлемі 18 млн теңгеге арттырылды. Егер өтінім қабылданса, оның 10 пайызын, яғни 1,8 миллион теңгені бастапқы жарна ретінде төлеп, 18 млн теңгеге баспана алуға болады.

 

Фотосурет almaty.tv сайтынан алынды

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через