Баспанасын тастап, қоныстарынан амалсыз кетуге өрт пен су апаты себеп. 

       Юнисеф сарапшыларының сөзінше алдағы 30 жылда 113 миллион баланың баспанасыз қалу қаупі бар. 

       Бұл - он жастағы Гарима Кумар. Қазір ол отбасымен босқындар лагерін паналауға мәжбүр. Бәрі - тасқынның кесірі. 

       Үндістан мен Қытайдағы жағдай да күрделі. Табиғат апатынан былтыр мыңдаған баланың талай рет қоныс аударуына тура келді. АҚШ пен Канадада да осыған ұқсас жағдай. Босқын балалар қатары артқан үштікте Филиппин де бар. 

        БҰҰ-ның дерегі бойынша, 2016-2021 жылдары табиғи апаттан кейін 134 миллион тұрғын босып кеткен. Оның 43 миллионы - жеткіншек. Мамандардың айтуынша, әлемде күніне 20 мың босқын бала тіркеледі. 

       Өзекті мәселеге ЮНИСЕФ ұйымы қатты алаңдаулы. Сондықтан әлем елдерін бұл проблемаға баса назар аударуға шақырып жатыр. Мәселен, қазір ұйымның өзі балаларды медициналық қызметпен қамтамасыз етіп, оларды қолдауға күш салып жатыр.

       Ақпарат дереккөзі: 24.kz