Аргентина құрамасының капитаны Лионель Месси ұлттық құрама сапындағы соңғы матчын өткізді. Бұл туралы "Сапалы Қазақстан" порталы 24.kz сайтына сілтеме жасап хабарлайды.
Буэнос-Айрестегі «Монументаль» стадионында өткен жолдастық кездесуде аргентиналықтар Бенин құрамасын 3:0 есебімен жеңді.
39 жастағы футболшы қоштасу матчында пенальтиден гол соғып, ұлттық құрамадағы 126-голын тіркеді.
Осылайша Месси халықаралық мансабына нәтижелі ойынмен нүкте қойды. Кездесуді стадиондағы 85 мыңға жуық жанкүйер тамашалады.
Ойын аяқталған соң көрермендер футболшыға ұзақ уақыт бойы қошемет көрсетіп, оны көзіне жас алып шығарып салды. Аспанда Мессидің мансабындағы маңызды сәттерді бейнелейтін дрондар шоуы ұйымдастырылды.
Лионель Месси Аргентина құрамасы сапында 2005 жылдың тамыз айында Венгрияға қарсы жолдастық кездесуде (2-1) дебют жасады. Ол Аргентина сапында 208 ойында 126 гол соғып, 70 нәтижелі пас берді. Ол 2022 жылғы әлем чемпионатын, екі рет Америка Кубогын (2021 және 2024) және Финалиссиманы (2022) жеңіп алды.
Месси тарихтағы ең көп марапатталған футболшылардың бірі. Кәсіби мансабында аргентиналық шабуылшы Аргентина құрамасымен бірге ұлттық чемпионаттар мен кубоктарды, халықаралық клубтық турнирлерді және ірі кубоктарды жеңіп алды. Месси 49 титул жеңіп алды, бұл рекорд.
Ақпарат 24.kz сайтынан алынды.
