«Қалқаман» метро станциясының құрылысына шамамен 50 млрд теңге жұмсалады
Алматының бюджетін нақтылау барысында көлік инфрақұрылымын дамытуға жеке бағыт қарастырылған. Бұл туралы "Сапалы Қазақстан" порталы almaty.tv сайтына сілтеме жасап хабарлайды.
2026 жылдың соңына дейін «Қалқаман» метро бекетін пайдалануға беру жоспарланып отыр. Сондай-ақ биыл «Қалқаман» бекетінен «Барлық» бекетіне дейінгі метро желісінің құрылысы басталды.
- Метро желісін одан әрі кеңейту үшін «Жібек жолы» бекетінен әуежайға дейінгі екінші желінің жобалау-сметалық құжаттамасы әзірленеді, деді мәслихат отырысында Алматы қаласы Экономика және қаржы басқармасының басшысы Бауыржан Құдайбергенов.
Фото: pixabay.com.
BCN Group филиалының бас инженері Алмас Бимендиннің айтуынша, «Қалқаман» метро станциясы құрылысының құны шамамен 50 млрд теңгені құрады, деп жазды kk.bizmedia.kz. Қазір стансаның құрылысы аяқталуға жақын. Ол іске қосылғаннан кейін билік метро желісін батысқа қарай жалғастыруды жоспарлап отыр.
- Келесі кезең тағы үш станцияның құрылысы болмақ. Соңғы нүкте «Алтын Орда» базары ауданындағы «Барлық» станциясы болуы тиіс. Онда жолаушыларға көліктің бір түрінен екіншісіне ауысуға мүмкіндік беретін ірі ауыстыру торабын құру жоспарланып отыр, деді BCN Group филиалының бас инженері Алмас Бимендин.
Осылайша, «Қалқаман» батыс бағытындағы соңғы нүкте болмайды — метро одан әрі «Алтын Орда» жағына қарай тартылады. Келесі үш стансаның құрылысы мемлекеттік сараптамадан өтіп, оң қорытынды алды.
Құрылыс кезеңдері мен қаржыландыру ерекшеліктері
- Бастапқы кезең (1988–2011 жж.): Метро құрылысы КСРО кезінде 1988 жылы басталып, ұзақ уақытқа созылды, алғашқы іске қосылу сәтіне дейін жалпы 166 млрд теңге қаржы жұмсалд
- Жалғасы және жаңа станциялар (2015–2022 жж.): «Москва», «Сарыарқа», «Достық» станцияларының ашылуы мен желінің батыс бағытқа ұзартылуына республикалық және жергілікті бюджеттен тұрақты түрде миллиардтаған қаражат бөлінді.
Алдын ала есептеулер бойынша, қосымша үш стансаның құрылысы қалаға 240 млрд теңгені құрауы мүмкін. Мұндай деректі kk.bizmedia.kz алға тартып отыр.
Ақпарат kk.bizmedia.kz, almaty.tv сайттарынан алынды.
