Президент Қасым-Жомарт Тоқаев электрмобильдерге арнайы мемлекеттік тіркеу нөмірі белгісін беруді қарастыратын заңға қол қойды. Тиісті норма "Жол жүрісі туралы" заңның 70-бабына енгізілді. Бұл туралы "Сапалы Қазақстан" порталы kaz.tengrinews.kz сайтына сілтеме жасап хабарлайды.
Нөмірдің түсі мен дизайны заңның өзінде көрсетілмеген - оны Ішкі істер министрлігі бөлек заңға тәуелді актілермен айқындайды. Дегенмен, 2026 жылғы мамырда өткен Мәжіліс отырысында ішкі істер вице-министрі Санжар Әділов ведомство әлемдік тәжірибеге сүйенетінін аңғартты:
"Электрмобильдерге арналған мемлекеттік нөмірдің фонын өзгерту қажет. Жалпыға ортақ әлемдік тәжірибе бар - олар жасыл түске боялады".
Мұндай белгілер Қытай, Норвегия, Канада, Польша және Беларусь елдерінде қолданылады.
Норманың енгізілу себебі: жол камералары мен автоматтандырылған жүйелер электрокарды іштен жану қозғалтқышы бар кәдімгі автомобильден ажырата алмайды. Соның салдарынан тегін тұрақ, ерекше қорғалатын табиғи аумақтарға кіру, қуаттау бекеттерін пайдалану сияқты жеңілдіктер беруде қиындықтар туындайды.
Арнайы белгі инспектордың қатысуынсыз және артық тексерусіз электромобильді автоматты түрде тануға мүмкіндік береді.
ІІМ заң күшіне енген сәттен бастап алғашқы жаңа нөмірлер берілгенге дейін алты айға жуық уақыт өтетінін ескертті - ведомство стандартты әзірлеп, бекітуі тиіс. Ұлттық статистика бюросының дерегінше, 2026 жылғы мамырда Қазақстанда 24 мыңнан астам электрмобиль тіркелген.
Пилотсыз басқарылатын көліктер, аэротаксилер мен автоматтандырылған пойыздар заңда бар
Осы заң көліктің барлық түріне арналған пилотсыз басқарылатын техникалардың құқықтық базасын қалыптастырады.
"Қазақстан Республикасындағы көлік туралы" заңға пилотсыз көлік құралы, пилотсыз көлік жүйесі, пилотсыз көлік құралдарын пайдалану аймағы және қашықтан басқарушы оператор (қозғалыстың кез келген кезеңінде басқаруды өз қолына алуға құқылы жеке тұлға) ұғымдары енгізілді. "Теміржол көлігі туралы" заңда енді пилотсыз теміржол көлік құралының анықтамасы бар.
Авиация саласында озық әуе мобильділігі, қалалық әуе мобильділігі, вертипорт және қалалық әуе мобильділігі аймағы ұғымдары пайда болды. Аэротакси пайдаланушылары мен авиациялық техниканы әзірлеушілер үшін сертификаттардың жаңа түрлері енгізілді.
Пилотсыз әуе қозғалысына қызмет көрсетуге шетелдік заңды тұлғалар мен шетелдік қатысуы бар компаниялар жіберілмейді. Бұл іспен қазақстандық ұйымдар ғана айналыса алады.
Заң ресми жарияланғаннан кейін күнтізбелік 60 күн өткен соң күшіне енеді.
pexels.com
Еуропа нарығында электрмобильдер алғаш рет бензинді көліктерге қарағанда танымал бола бастады. Мамыр қорытындысы бойынша Еуропадағы толық электр модельдердің (BEV) үлесі 23,3 пайызға жетсе, бензинді қозғалтқышы бар автомобильдер нарықтың 21,7 пайызын иеленді, деп хабарлайды Tengri Auto тілшісі.
Сарапшылар мәліметінше, мамырда Еуроодақ елдерінде, Ұлыбританияда және Еуропалық еркін сауда қауымдастығында (EFTA) 1,15 миллионға жуық жаңа автомобиль тіркелген, бұл бір жыл бұрынғы көрсеткішпен салыстырғанда 3,6 пайыз көп.
Электрмобильдер танымалдылығы артып келеді
Жыл басынан бері ЕО елдерінде 950 мыңнан астам жаңа электромобиль тіркелді. Олардың нарықтағы үлесі 20 пайызға жетіп, сатудың 37,8 пайызын құрайтын гибридтерге ғана жол беріп тұр. Бензинді көліктердің үлесі 22,4 пайыз болды.
ИЗУЧИТЕ ВСЕ УСЛОВИЯ КРЕДИТА (ЗАЙМА) НА САЙТЕ В СООТВЕТСТВУЮ-ЩЕМ РАЗДЕЛЕ. ОЦЕНИВАЙТЕ СВОИ ФИНАНСОВЫЕ ВОЗМОЖНОСТИ И РИСКИ
Егер Ұлыбритания, Норвегия, Исландия, Швейцария және Лихтенштейнді есепке алсақ, электрмобильдердің үлесі 21,4 пайызға дейін артып, бензинді көліктермен (22,3 пайыз) теңеседі.
Электркарлар сатылымының айтарлықтай өсуі мына елдерде тіркелді:
Италия - плюс 75,7 пайыз;
Франция - плюс 55,4 пайыз;
Германия - плюс 40,9 пайыз.