Роботтар күдікті заттарды анықтап, түтін мен өрт шығу белгілерін тіркей алады
Ақтауда қоғамдық қауіпсіздікті күшейту үшін роботтандырылған платформалар енгізіліп жатыр, деп хабарлады Маңғыстау облысының полиция департаменті.
Робот-иттер қоғамдық орындарды патрульдеу, жедел жағдайды бақылау және құқық бұзушылықтардың алдын алу үшін пайдаланылады. Кешендер заманауи бейнебақылау жүйелерімен жабдықталған, нақты уақыт режимінде ақпаратты Жедел басқару орталығына бере алады.
"Сонымен қатар, роботтандырылған платформалар күдікті заттарды анықтап, түтін немесе өрт белгілерін тіркейді. Мұндай жағдайларда олар шұғыл қызметтерге автоматты түрде сигнал жібереді. Болашақта бұл құрылғыларды арнайы және терроризмге қарсы іс-шаралар кезінде қолдану мүмкіндігі қарастырылып отыр", - деп жазылған хабарламада.
Қосымша жаңғыртудан кейін роботтар қауіпті нысандарды қашықтан тексеруге және қызметкерлердің өміріне қауіп төндірмей, күдікті заттарды жылжытуға пайдаланылуы мүмкін.
Дерек көзі: https://sputnik.kz