Жапонияда жойқын зілзала болуы мүмкін

Оңтүстік-Шығыс өңірі мен Тынық мұхитындағы бірнеше күннен бері толастамай тұрған сейсмикалық жағдайға байланысты Жапония үкіметі жайсыз мәліметтерді жариялады, деп хабарлады Сапалы Қазақстан порталы.  

Жапония әлемдегі ең сейсмикалық белсенді елдердің бірі. 

Reuters агенттігінің хабарлауынша, елдің оңтүстік-батыс жағалауында орналасқан Нанқай аймағында 8-ден 9 балға дейінгі жер сілкінісінің ықтималдығы сақталып отыр.  Ұзындығы 900 шақырым болатын бұл учаскеде Филиппин теңіз плитасы Еуразия плитасының астына батады. Соның салдарынан күн шығыс елі 300 мың адамның өлімін жалмап, экономикаға 1,81 трлн долларға дейін зиян келтіруі мүмкін  жойқын зілзалаға дайындалып жатыр. 1,81 трлн доллар бұл елдің жалпы ішкі өнімінің жартысына жуығы.

Ғалымдар жер сілкінісінің магнитудасы 9-ға жетуі мүмкін деп топшылайды. Оның ықтималдығы 80 пайыз. Мұндай жағдай араға 100-200 жыл салып қайталанады екен.

Фото: pixabay.com

Жапония үкіметі ең нашар сценарийді есептеп отыр: егер жер сілкінісі қыста және түнде болса, онда эвакуацияланғандар саны 1,23 миллионға дейін, ал цунами мен ғимараттардың құлауынан қаза тапқандар саны 298 мыңға дейін жетуі мүмкін.

 Зерттеушілердің есебінше табиғат апатынан 2 жарым миллион құрылыс опырылып, 300 мың адамның қаза табу қаупі бар. Сондай-ақ зерттеушілер жер сілкінісінен кейін Нанкай жарығында  цунами болуы мүмкін екенін ескертеді. Ол Хонсю аралынан оңтүстік-шығысқа қарай орналасқан. 

Былтыр жазда мұнда магнитудасы 7,1 болатын зілзала тіркелген еді. Осыдан кейін сейсмологтар өңірдегі ахуалға қатты алаңдай бастаған.