Жапония ғалымдары қандай тағам шаштың ерте ағаруынан қорғайтынын анықтады

Ғалымдар күн сайын сәбіз, апельсин және қызанақ сияқты құрамында антиоксиданттар бар тағамдарды тұтыну шаштың ерте ағаруынан қорғайтынына сенімді

Жапонияның Нагоя университетінің ғалымдары шаштың ерте ағаруынан қорғайтын өнімді тапты.

Мамандар антиоксиданттардың ақ шаштың пайда болуына қалай әсер ететінін зерттеуге шешім қабылдады, деп хабарлады Doctorpiter.

Нәтижесінде лютеолин ағзаға, соның ішінде қартаю процесіне оң әсер ететін табиғи қоспа екені анықталды.

Эксперимент тышқандарға жүргізілді. Барлық кеміргіштің дені сау және шамамен бірдей жаста болды. Жануарлар үш топқа бөлініп, оларға антиоксиданттар берілді. Тышқандар 16 апта бойы арнайы диетамен тамақтандырылды. Сонымен қатар табиғи қоспа тері астына енгізілді және қосымша тамақ ретінде берілді.

Нәтижесінде лютеолинді қабылдаған кеміргіштердің қара жүні өзгеріссіз қалған. Ал тәжірибеге қатысқан басқа тышқандардың ағзасында қартаюдың алғашқы белгілері көріне бастаған.

"Күтпеген нәтиже болды. Біз антиоксиданттардың ағзаға пайдалы екеніне күмәнмен қарадық, оның әсері соншалықты айқын болады деп ойлаған жоқпыз", - дейді ғалымдар.

Сарапшылардың пікірінше, лютеолин жасушалық байланыста маңызды рөл атқаратын эндотелиндерге – ақуыздарға әсер етуі мүмкін. Лютеолин шаштың ағару процесіне жауап беретін меланоциттердің белсенділігі төмендеп кетуіне жол бермейді.

Антиоксидант қарапайым тағамдарда кездеседі.

Көкөніс – бұршақ, болгар бұрышы, балдыркөк (сельдерей), брокколи, пияз, сәбіз, шпинат, асқабақ, Брюссель қырыққабаты, қызанақ, кәді.

Жемістер – мандарин, апельсин, шабдалы.

Жидектер – құрма, қаражидек, қарақат.

Пісте.

Шикі жүгері.

Жұмыртқаның сарысы.

Ғалымдар лютеолиннің адам шашының ерте ағаруынан қорғайтынына сенімді. Ол үшін күн сайын сәбіз, апельсин және қызанақ сияқты құрамында антиоксиданттар бар тағамдарды тұтынып жүру керек.

Ғалымдар жақын арада лютеолинді зерттеуді жалғастырады. Сарапшылар оның негізінде жасалған препараттар шаштың түсуінен, сондай-ақ шаштың түсуін тудыратын әртүрлі аурулардан қорғай ала ма деген сұраққа жауап іздейді.

ҚазАқпарат