ҰБТ сұрақтары енді жасанды интеллект көмегімен дайындалады

Ұлттық бірыңғай тест (ҰБТ) сұрақтарын енді жасанды интеллект дайындайды. Бұл туралы Орталық коммуникациялар қызметінде өткен брифингте Ғылым және жоғары білім министрлігі Цифрландыру және мемлекеттік қызмет көрсету департаментінің директоры Нұрсұлтан Махатов мәлімдеді.

Жоба аясында тест тапсырмаларын әзірлейтін мамандар үшін жабық жұмыс кабинеттерін құру жоспарланған. Осылайша, жасанды интеллект көмегімен тапсырмаларды құру, жүктеу және клондау мүмкін болады.

Нұрсұлтан Махатовтың айтуынша, жасанды интеллектті енгізу келесі артықшылықтарды қамтамасыз етеді:

• Бірегей тест тапсырмаларының санын арттыру;
• Сұрақтарды әзірлеуде субъективтілікті азайту;
• Техникалық шарттарды дайындауға кететін шығындарды қысқарту.

Жоба 2025 жылдың үшінші тоқсанында іске қосылады. Сонымен қатар, ҰБТ өткізу ережелері туралы ақпарат беріп, грантқа түсу бойынша кеңес беретін “AI Talapker” чат-ботын іске қосу жоспарланып отыр.

https://www.dauletten.kz/