Халықтың айтуынша, бүгінде әсіресе Алматының орталық бөлігінде тыныс алу қиын.

       Көк аспаны сұрланып, күнде түтін басып қалатын Алматы әлем бойынша ауасы ең лас қала атанды.
Швейцариялық IQAir компаниясының соңғы зерттеуі бойынша, Оңтүстік астанамыз Мысырдың Каирі мен Пәкістанның Лахор шаһарын артта қалдырып, алғашқы үштікте көш бастады. Көкке тараған түтін көлемі "өте зиян" деген деңгейге де жеткен. 

       Халықтың айтуынша, бүгінде әсіресе Алматының орталық бөлігінде тыныс алу қиын. Сөздеріне сенсек, бірінің басы жиі ауырып, екіншісінің аллергиясы қозатын болыпты. Ауаның ластануы денсаулыққа зиян деген көптің сөзін дәрігерлер де жоққа шығармады. 

"Кейінгі уақытта бронх демікпесі және аллергиясы асқынған науқастар көбейді. Қазір бұл аурулар жастарда жиі байқалып жатыр. Ауаның ластануының кесірінен тыныс алу мүшелерінің дерті қозып жатыр. Тұмаудың асқынуына да әсер етеді. Азаматтарға мүмкіндік болса теңіз ауасымен жиі тыныстауға кеңес беремін", – деді пульмонолог Сәуле Қасенова. 

https://informburo.kz/kaz