Алматыда 2025 жылы қаланың басты табиғи нысандарының бірі – Баум тоғайын абаттандыру жоспарланып отыр. Бұл туралы қалалық мәслихаттың баспасөз қызметі хабарлады.

Тоғайдың ауданы 137,7 гектар, ол Түрксіб ауданында Сейфуллин мен Сүйінбай даңғылдарының арасында орналасқан.

Фото: Алматы әкімдігі
– Жобаның мақсаты - тоғайды экологиялық маңызы бар аумақ ретінде жаңғырту, тұрғындар арасында экологиялық сананы дәріптеу. Тәсілдің ерекшелігі-тоғайдың табиғи компонентіне минималды араласу. Аумақта шағын архитектуралық формалар пайда болады: орындықтар, урналар, сондай-ақ балалар ойындары мен спортқа арналған жабдықтар, – делінген хабарламада.

Баум тоғайы үш аймаққа бөлінеді:

– Белсенді аймақ-ашық инфрақұрылымға қолжетімділікті қамтамасыз ету үшін тоғайдың периметрі бойынша орналасады;

– Рекреациялық аймақ-ең аз инфрақұрылымы бар тыныш демалыс орны болады;

– Эко-аймақ шектеулі араласумен табиғи флора мен фаунаны сақтауға және қалпына келтіруге арналған.

Материал kaz.inform.kz сайтынан алынды.