Биыл Алматыда жатақханадағы орын тапшылығы 3 мыңға төмендеді. 

       Былтыр мегаполиске оқу іздеп келген 11 500-ден астам жасқа орын тимей қалған еді. Осы оқу жылында қалада 10 жатақхана пайдалануға беріледі. «Бірде-бір студент далада қалмайды. Қиын жағдайға тап болғандарға ситуациялық және дағдарыс орталықтары көмектеседі», – дейді министрлік өкілдері. 

       Бұл – Әл-Фараби атындағы Қазақ ұлттық университетінің 9-шы жатақханасы. Ондағы жағдайды Мәжіліс депутаттарының өзі барып көрген. Кейіннен  бейнетүсірілім әлеуметтік желіге жарияланып, көпке мәлім болды. Осыдан кейін іле-шала ғимаратта күрделі жөндеу жұмыстары басталып кеткен. Жатақхана 1969 жылы салынған. «Оны биыл жөндеуді жоспарлап отырған едік», – дейді университет басшылығы.

       Биыл Алматыда 10 жатақхана пайдалануға беріледі. Біреуі ғана жоғары оқу орнына тиесілі. Басқасы түгелдей инвесторлардың қолдауымен салынды.  Ондағы орын саны 5 мыңнан асады. Осылайша, мемлекеттік-жекеменшік серіктестіктің арқасында биыл жатақханадағы орын тапшылығы 3 мыңға азайған.

      https://24.kz/kz/