Жолдардың виртуалды көшірмесі жасалып жатыр
![Жолдардың виртуалды көшірмесі жасалып жатыр](/storage/articles/Jbsu1mavuMF8iqCF1yi84cJrwhJeHmG186XQndMi.webp)
фото: pexels.com
Қазақстан жол ғылыми-зерттеу институты автомобиль жолдарының виртуалды көшірмесін әзірлеу жұмысын бастап кетті, деп хабарлады kaz.inform.kz.
Жұмыстар жолдардың электрондық паспорттарын әзірлеу жөніндегі жоба шеңберінде жүргізіледі.
Цифрлық балама — жол инфрақұрылымының виртуалды көшірмесі, өз кезегінде жолдағы процестерді басқаруды оңтайландыруға мүмкіндік береді.
Жол ғылыми-зерттеу институтының мамандары 3D бейне сканерлеудің озық технологияын пайдалануда.
Фото: Көлік министрлігі
Әзірленген бағдарламалық құрал ғимараттарды, тротуарларды және белгілерді қоса алғанда, жолдар мен көше жоспарларын көрсетеді.
Жиналған мәліметтер негізінде жол қызметтері үшін есеп-қисап жасалады.
«Аталған жүйе проблемаларды жедел анықтауға және инфрақұрылымға араласпай-ақ шешім табуға көмектеседі. Технология өзгерістердің салдарларын болжауға мүмкіндік беріп, көше-жол желісінің параметрлерін өлшеу барысында жиналған деректерге негізделеді», — дейді мамандар.
Цифрлық жаңашылдықты енгізу жолдар мен құрылыстардың жай-күйі туралы орталықтандырылған деректер базасын құру арқылы жол желісін басқарудың тиімділігін арттыра түспек.
Фото: Көлік министрлігі
Бұл жаңартылған деректер негізінде жөндеу және техникалық қызмет көрсету жұмыстарын жоспарлауға әрі үйлестіруге мүмкіндік береді.
Ресурстарды дәл болжау және бөлу арқылы шығындар азаяды деп күтілуде.
Жолдардың жай-күйіне тұрақты мониторинг жүргізу және басқарудың заманауи стандарттарын енгізу инфрақұрылымның қауіпсіздігі мен сапасын арттыруды қамтамасыз етпек.
Деректерді талдау проблемалық аймақтарды анықтауға мүмкіндік береді, ал визуализация жол желісінің жағдайы туралы көрнекі ақпарат ұсынады.
Фото: Көлік министрлігі
Естеріңізге сала кетейік, қазір ҚазжолҒЗИ мамандары көше-жол желісін басқарудың бірыңғай жүйесіне енгізе отырып, еліміздің түрлі өңірлерінде автомобиль жолдарының электронды паспортын жасап жатыр.
Пікірлер
Комментарий қалдыру үшін порталға тіркеліңіз немесе кіріңіз
Авторизация через