Шетелдіктер Қазақстан азаматтығын алу үшін 100 сұрақтан тұратын емтихан тапсырады
![Шетелдіктер Қазақстан азаматтығын алу үшін 100 сұрақтан тұратын емтихан тапсырады](/storage/articles/EpaQ9luVSWjYqZYffWIWCC0CjQ1vGm6lS0cXnox0.webp)
фото: https://pixabay.com/ru/
Тест қазақ тілінен бөлек, Қазақстан Конституциясы мен тарихы бойынша сұрақтарды қамтиды
Ғылым және жоғары білім министрлігі Қазақстан азаматтығын алу үшін қазақ тілі және Қазақстан тарихы мен Конституциясы бойынша емтихан тапсырудың ережелерін әзірледі. Құжат жобасы Ашық НҚА порталында жарияланды.
Емтихан тест форматында жүргізіледі және 100 сұрақтан тұрады:
Қазақ тілі бойынша 60 сұрақ (20 – тыңдалым, 40 – оқылым);
Конституция бойынша 15 сұрақ;
Қазақстан тарихынан 25 сұрақ.
Азаматтық алу үшін кем дегенде 60 балл жинау керек:
тыңдау – кемінде 12 ұпай;
оқу – кемінде 24 ұпай,
Конституция – кемінде 9 балл;
тарих – кемінде 15 балл.
Жалпы сынақ уақыты – 2 сағат 10 минут. Мүмкіндігі шектеулі жандарға қосымша 30 минут беріледі.
Төмендегі тұлғалар сынақтан босатылады:
1.кәмелетке толмағандар;
2.әрекетке қабілетсіз тұлғалар;
3.Қазақстанға сіңірген ерекше еңбегі немесе қажетті кәсібі бар тұлғалар;
4.этникалық қазақтар;
5.халықаралық шарттар бойынша азаматтықты жеңілдетілген алу құқығы бар адамдар.
Тестілеуге өтінімдер белгілі бір кезеңдерде қабылданады:
10 қаңтардан 20 қаңтарға дейін;
10 сәуірден 20 сәуірге дейін;
10 шілдеден 20 шілдеге дейін;
10-20 қазан аралығында.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через