Енді қазақстандықтар Таиландта визасыз 60 күн жүре алады
![Енді қазақстандықтар Таиландта визасыз 60 күн жүре алады](/storage/articles/BKbdX3SsfS6Q00Ejh4OL0anF8n250XLEnngBTrvB.webp)
фото: pixabay.com
Қазақстандықтар Таиландта визасыз ұзағырақ жүре алады, - деп хабарлайды kaz.tengritravel.kz.
Таиландтың Ішкі істер министрлігі 93 ел мен аумаққа, соның ішінде Қазақстан үшін визасыз режимді ұзарту жайлы шешім қабылдады. Бұған дейін Қазақстан азаматтары Таиландта тек 30 күн визасыз қала алатын.
"Бұл елдердің азаматтары Таиландқа туристік немесе қысқа мерзімді іссапарлар үшін визасыз 60 күн бола алады", - деді Ішкі істер министрлігінің өкілі Трайсури Тайсаранакул.
Жалпы тұрғындары Таиландқа келіп виза ала алатын елдердің саны 19-дан 31-ге дейін артқан. Жаңа визасыз режимнің арқасында Қазақстан және басқа да елдердің саяхатшылары Таиландқа келерде және келгеннен кейін виза алмай кіре алады. Десе де, олар шекарада бақылаудан өтеді және олардың паспорты тексеріледі.
Пікірлер
Комментарий қалдыру үшін порталға тіркеліңіз немесе кіріңіз
Авторизация через