Өнеркәсіп және құрылыс министрлігі су тасқынынан зардап шеккен аймақтардағы құрылыстарды онлайн бақылау жүйесін іске қосты. Су тасқынынан зардап шеккен аймақтардағы құрылыс жұмыстары бейнекамера арқылы бақылауда болады.

Құрылыстың ашықтығы мен тиімділігін арттыру аясында ҚР Өнеркәсіп және құрылыс министрлігі "Sergek Group" компаниясымен және алты облыстың әкімдіктерімен серіктестікте тұрғын үй құрылысын онлайн бақылаудың бірегей жүйесін жасады.

"Ақмола, Ақтөбе, Батыс Қазақстан, Қостанай, Солтүстік Қазақстан және Атырау облыстарындағы құрылыс нысандарында 50 бейнекамера орнатылып, оның 30-ы іске қосылды. Бұл шара құрылыс жұмыстарының барысын тәулік бойы бақылауды мүмкін етіп, сондай-ақ азаматтарға gov.kz порталы арқылы онлайн-хабарламаларға тікелей қол жеткізуге мүмкіндік береді", – деп жазды ведомстводан.

ҚазАқпарат