Астанадағы жылу энергетика орталығы – 3 құрылысына мәжіліс депутаттары наразылық білдірді.

Мәжілістің жалпы отырысында сақалды құрылысқа айналған жылу орталығына депутат Еділ Жаңбыршин наразылық білдірді, ол энергетика министрінен құрылысқа қанша қаражат жұмсалғанын сұрады.

"ЖЭО-3 құрылысы 2010 жылдан бері жүргізіліп келеді, осы уақыт ішінде жаңа туған сәби 13 жасқа толады, ал біз әлі де маңызды әлеуметтік нысан сала алмай келеміз", – деді Жаңбыршин.

Парламенттегілердің айтуынша, республикалық бюджеттен 116 миллиард теңге жұмсалған жылу орталығы әлі іске қосылмаған.

Энергетика министрі Алмасадам Сәтқалиев жоба құнының 40%-ке қымбаттап кеткенін алға тартты. ЖЭО-3 құрылысының жалпы сомасы 146 миллиард теңге.

"Оның ішінде республикалық бюджеттен 141 миллиард теңге. Қазір бюджеттен 116 миллиард теңге бөлінді. Бұл ақшаға 4 қазандық пен бір бу турбинасы салынды. Жылыту маусымы кезінде ЖЭО жұмыс істеді", - деп жауап берді Сәтқалиев.

Құрылыс 2026 жылы аяқталуы мүмкін, деп сендірді министр. Ағымдағы жылдың наурыз айында елорда әкімі Жеңіс Қасымбек президент Қасым-Жомарт Тоқаевпен кездесуде биыл Астанада ЖЭО-3 көмір бөлігі іске қосылатынын айтты.

Естеріңізге сала кетейік, ЖЭО-3 құрылысының бірінші кезеңі 2023 жылдың қазан айында аяқталды. Ол сол жағалаудың бір бөлігін және жаңа салынып жатқан аудандарды жылытады.

ҚазАқпарат