Триатлоннан 2022 жылғы Азия чемпионаты елордада өтеді

Қазақстанның астанасы құрлықтық біріншіліктің қатысушыларын алғаш рет қабылдайды.

Нұр-Сұлтанда U23 пен Junior санаттарындағы атлеттер арасында триатлоннан Азия чемпионаты өтеді. Бұл туралы Қазақстанның триатлон федерациясы мәлімдеді.

"World Triathlon пен Asia Triathlon 2022 жылдың 23-24 маусымында Нұр-Сұлтанда U23 пен Junior санаттарындағы спортшылар арасында триатлоннан Азия чемпионаты болатындығын растады", - деп хабарлады Olympic.kz.

Айта кетері, елорда Asia Triathlon Junior and U23 Championships Nur-Sultan атты құрлықтық біріншіліктің қатысушыларын алғаш рет қабылдайды. Бүгінгі таңда сайыс және жауапты техникалық делегаттар бекітілді.

Бұл халықаралық турнир 2021 жылға жоспарланған еді, алайда эпидемиологиялық жағдайға және бірқатар елдегі шектеулерге байланысты өтпей қалды.

Еске сала кетейік, 24 шілдеге TEMIRADAM Кубогының V кезеңі жоспарланып отыр. Pro және Age Group санатындағы сайыскерлер құрлықтық чемпионаттың тарихи дистанциясында сынға түсу мүмкіндігіне ие болды.

Мәтіндегі ақпарат туралы