25 наурызда Алматыда МТК Қазақстан промоутерлік компаниясының ұйымдастыруымен бокс кеші өтеді, онда қазақстандық боксшы Рай Сейітжанов (9-0, 6 КО) күш сынасады.

       Бұл туралы ҚазАқпарат Sports.kz сайтына сілтеме жасап хабарлайды. Ұйымдастырушылардың баспасөз қызметінен хабарланғандай, Сейітжановтың қарсыласы жеңілмеген мексикалық Хосе Макиас Энрикес (15-0, 7 КО) болады. Олар жартылай орта салмақта жасөспірімдер арасындағы WBO чемпиондық титулына таласады.

       Еске салайық, шоудың басты жекпе-жегі Қамшыбек Қоңқабаев (4-0, 3 КО) пен оңтүстікафрикалық Джонни Мюллер (23-2, 14 КО) арасындағы кездесу болмақ. Қарсыластар қазақстандыққа тиесілі бірінші ауыр салмақта WBA Gold белдігі үшін жұдырықтасады.

Ақпарат дереккөзі