Халықаралық «Еуразия» кинофестивалі 2024 жылдың 24-30 қараша аралығында Алматыда өтеді. Фестивальге 15-тен астам ел қатысады.

Кинофестивальді ҚР Мәдениет және ақпарат министрлігі мен Шәкен Айманов атындағы «Қазақфильм» ұлттық киностудиясы ұйымдастырып жатыр.

Осы жылы конкурс бағдарламасында үш құрлықтан келген 12 фильм ұсынылады. 

Қатысушылары саналуан, ауқымы кең фестивальде ұсынылған фильмдер түрлі мәдениеттер мен көзқарастардың бай палитрасын көрсетеді. Конкурс Бангладеш пен Оңтүстік Кореядан бастап, Австрия мен Катарға дейінгі елдердің туындыларын қамтиды. Еуропа, Азия және Таяу Шығыстан келген шығармашылық топтар әмбебап тақырыптар мен жергілікті контекстті біріктіретін жұмыстарды ұсынбақ.

2024 жылы «Еуразия» тек фильмдер фестивалі ғана емес, кино әлеміне саяхат болмақ. Іс-шара көрермендер мен қатысушыларға ұмытылмас әсер сыйлап, жаңа мүмкіндіктер ашады.

Байқауда бақ сынайтын әрбір жұмыстың өзіндік көркемдік ойы бар.

Материал kaz.inform.kz сайтынан алынды.