Шетелде еркін сатылатын кейбір заттар елге оралғанда үлкен мәселеге айналуы мүмкін. Жекелеген жағдайларда сатып алынған заттар кеденде тәркіленіп қана қоймай, әкімшілік немесе тіпті қылмыстық жауапкершілікке себеп болуы ықтимал.
Кез келген кәдесыйды елге әкелуге болмайды: туристер қандай заттар үшін қиындыққа тап болуы мүмкін?
Бұл туралы Cargo Force директоры Асад Мирза ескертті. Оның айтуынша, көптеген турис егер тауар сол елде заңды түрде сатылса, оны үйге ешқандай шектеусіз әкелуге болады деп ойлайды.
"Зиянсыз көрінген кәдесый тез арада қымбатқа түсетін қателікке айналуы мүмкін", - деді сарапшы.
Жалған бренд заттар
Туристер ең көп жіберетін қателіктердің бірі - контрафактілік өнімдерді сатып алу. Сөз күмәнді арзан бағамен сатылатын танымал брендтердің логотиптері бар сөмкелер, сағаттар, күннен қорғайтын көзілдіріктер және басқа да тауарлар туралы болып отыр. Мирзаның айтуынша, көбі мұндай затты сәтті олжа ретінде қабылдайды, алайда шекарада жасанды өнім тәркіленуі мүмкін. Нәтижесінде саяхатшы тауарсыз, жұмсаған ақшасыз қалады.
https://kaz.tengrinews.kz