Жаңа астықтың экспорты 1 млн тоннадан асты

Бұл өткен жылдың осы кезеңімен салыстырғанда 28%-ке артық

Жаңа астықтық экспорты 1 млн тоннадан асты. Бұл туралы ауыл шаруашылығы министрлігі хабарлады.

"Қазақстан теміржолы" компаниясының деректеріне сүйенсек, ағымдағы жылдың 1–31 қыркүйек аралығында жаңа егін астығын тасымалдау көлемі 1,3 млн тоннадан асқан, бұл өткен жылдың осы кезеңімен салыстырғанда 28%-ке артық", - делінген хабарламада.

Оның ішінде:

318 мың тонна астық ішкі нарықтарға;

1029 мың тонна экспортқа шығарылды.

Өсу қарқыны 19%-ті құрады. Мұндай оң көрсеткіштер көрші елдерде де сақталуда:

Өзбекстан — 50% (450 мың тонна);

Тәжікстан — 16% (161 мың тонна);

Қырғызстан — 4,6 есе (32 мың тонна),

Әзірбайжан— 60 есе (18 мың тонна) өсуге қол жеткізді.

Ауыл шаруашылығы министрлігі аграрлық сала өкілдерін қолдау, экспорттық бағытты күшейту және елдің азық-түлік қауіпсіздігін қамтамасыз ету жолында кешенді шаралар легін жалғастырып жатыр.

 Дерек көзі:https://sputnik.kz