Қазақстан 2025: Жаңа бастамалар мен стратегиялық бағыттар

Жасанды интеллект министрлігі

Қазақстанда алғаш рет ЖИ-ға жауапты жеке министрлік құрылмақ. Ол вице-премьер деңгейінде басқарылады. Мақсат – жасанды интеллектті мемлекеттік басқарудан бастап бизнеске дейін кеңінен енгізу.

Цифрлық активтер қоры (крипторезерв)

Ұлттық банк негізінде арнайы мемлекеттік қор жасақталады. Бұл қор криптовалюталарды сақтап, елдің цифрлық қаржылық қауіпсіздігін қамтамасыз етеді.

«Алатау-Сити» – жаңа Smart City

Алматы маңында озық технологияға негізделген қала салынады. Барлық қызмет цифрлық түрде, төлемдер криптовалюта арқылы іске асады. Мақсат – жаңа буынның өмір сүру ортасын құру.

Банктер туралы жаңа заң

Жыл соңына дейін қабылдануы тиіс. Ол банк секторының ашықтығын арттырып, бәсекелестікті күшейтеді, жаңа қаржы институттарының келуіне жол ашады.

Инвестициялар – өңдеу өнеркәсібіне

Президент шикізат экспортынан түсетін табыс жеткіліксіз екенін айтты. Алдағы жылдары негізгі күшті өңдеу саласына (өндіріс, жаңа зауыттар, технологиялық өндірістер) бағыттау міндет.

Импортқа тәуелділікті азайту

Ішкі нарықтағы тұтыну тауарларының басым бөлігі әлі шетелден келеді. Жолдауда қазақстандық өнім үлесін арттыру, әсіресе азық-түлік пен жеңіл өнеркәсіпте өзімізді толық қамтамасыз ету мәселесі көтерілді.

Заң мен тәртіп

Мемлекет «құқық бұзушылыққа нөлдік төзім» принципін енгізеді. Яғни ұсақ тәртіпсіздіктерге де жол берілмейді. Президент әр азаматты мемлекеттің тірегі болып, патриоттықпен үлгі көрсетуге шақырды.

Жастарға қолдау

Жастар – елдің болашағы. Президент олардың білім алуына, кәсіп бастауына, ғылымға араласуына мемлекет барынша жағдай жасайтынын айтты. Абайдың сөзін келтіріп, жастарды еңбекқорлық пен елжандылыққа үндеді.

Бір палаталы Парламент құру ұсынысы

Президент 2027 жылы жалпыұлттық референдум өткізіп, қос палаталы жүйеден бас тарту идеясын жариялады. Мәжіліс пен Сенат жаңа сайлау өткенге дейін өз жұмысын жалғастыра береді.