АҚШ-тағы дауыл қаупіне байланысты Brent маркалы мұнай барреліне 101,49 долларға дейін өсті
Бүгін мұнай бағасы жақындап келе жатқан дауылға байланысты АҚШ-та өндірістің қысқаруынан көтерілді. Бұл туралы "Сапалы Қазақстан" порталы interfax.ru сайтына сілтеме жасап хабарлайды.
АҚШ метеорологтары Мексика шығанағында пайда болатын жел екі күн ішінде дауылға айналады және мұнай өндіру нысандарына әсер етуі мүмкін екенін хабарлады. Бұл 2026 жылғы алғашқы Атлантикалық дауыл болады.
Дауыл жолындағы Мексика шығанағының теңіз аймақтарында АҚШ мұнай өндірісінің 15%-ы және табиғи газ өндірісінің 5%-ы орналасқан.
Лондонның ICE Futures биржасында желтоқсан айындағы Brent фьючерстерінің бағасы бүгін таңертең барреліне 101,49 долларға жетті, бұл алдыңғы жабылумен салыстырғанда 0,91 долларға (0,9%) жоғары.
Нью-Йорк тауар биржасының (NYMEX) электронды саудасындағы қараша айына WTI шикі мұнайының фьючерстері 0,69 долларға (0,77%) өсіп, барреліне 90,13 долларды құрады.
Дауыл «мұнай нарығы үшін қосымша кедергілерге ұрындырады, шикізатты тасымалдау жағы қиындап, өндіріс пен мұнай өңдеу ісі іркіліп қалу қаупін арттырады», - дейді KCM Trade бас сарапшысы Тим Уотерер.
Американдық мұнай институтының (API) бағалауы бойынша, 2 қазанда аяқталған аптада АҚШ-тың шикі мұнай қорлары 2,09 миллион баррельге төмендеген.
Мұнай бағасының өсуіне Таяу Шығыстағы жағдайдың шиеленісуі де себеп болды, деп жазды kaz.inform.kz.
Дүйсенбіде хуситтер Эр-Рияд пен Хурайстағы Saudi Aramco нысандарына баллистикалық зымырандар мен дрондар арқылы соққы жасағанын мәлімдеді.
Осыдан кейін Түркия, Сауд Арабиясы және Пәкістан Сауд Арабиясына келісілген әскери күштер мен құралдарды белгіленген уағдаластықтар аясында ұсыну бойынша шаралар қабылдауға шешім қабылдады.
Осы ретте АҚШ президенті Дональд Трамп дизель отынының жоғары бағасын төмендетуге бағытталған жарлыққа қол қойды.
Ақпарат kaz.inform.kz, interfax.ru сайттарынан алынды.
