Оралдық полицейлер тұрғынға жылдамдықты асырғаны үшін бес күн ішінде 1 миллион 500 теңге көлемінде айыппұл салды, – деп хабарлайды Standard.kz порталы Polisia.kz-ке сілтеме жасап.

15 қыркүйек күні Suncar Smart Qorgau жүйесінің көмегімен облыс орталығының көшелерінде жол қозғалысы кезінде жылдамдықты бірнеше рет асырған “Ваз 2112” автокөлігі анықталды.

Орал қаласы ПБ патрульдік полиция батальонының қызметкерлері аталған автокөлікті сағат шамамен 10:10 кезінде Орал қаласы Есенжанова көшесінің бойында тоқтатады. Жауап алу кезінде жүргізушінің Орал қаласының 19 жастағы тұрғыны екені анықталды.

Ол бес күн ішінде жылдамдықты 33 рет асырғаны белгілі болды. Жалпы айыппұл сомасы 1 миллион 500 теңге. Жүргізуші айыппұлды оңайлатылған тәртіпте 50%-ын өтей алады, яғни, ол 500 мың 250 теңгені құрайды. Қазіргі уақытта автокөлік арнайы тұраққа қойылды.