Жыл басынан бері жарты миллионнан астам қазақстандық турист Өзбекстанға барды.
Өзбекстанның мемлекеттік статистика комитетінің мәліметінше, 2023 жылдың қаңтар-сәуір айларында Өзбекстанға туристік мақсатта 2019,4 мың шетелдік азамат келген. Туризм ағынының көшбасшылары үштігінде Өзбекстанмен көршілес елдер тұр.
Бірінші орында Тәжікстан – 623,8 мың турист. Қазақстан 558,8 мың туристпен екінші орында. Қырғызстан 487,7 мың адаммен көшбасшылар үштігін тұйықтаған.
Ресей Федерациясынан келген қонақтар ағыны – 207,7 мың адам. Алыс шетелден 141,4 мың турист келген, оның ішінде Түркиядан – 29,7 мың, Оңтүстік Кореядан – 9,2 мың, Үндістаннан – 8,3 мың, Қытайдан – 6,3 мың турист.
Өткен жылы 1,5 миллионнан астам қазақстандық көрші республикаға барып, Өзбекстанның барлық туристік ағынының үштен бірін алған болатын, деп хабарлайды ҚазАқпарат.
Фото gazeta.uz.
Пікірлер
Комментарий қалдыру үшін порталға тіркеліңіз немесе кіріңіз
Авторизация через