Жетісу облысының Жаркент қаласында 6 мың тонна көкөніс сақтайтын қойма салынып жатыр.

       Нысан ашылса, жергілікті шаруалардың өнім өткізуі жеңілдейді. Себебі серіктестіктегілер бағбандар өсіретін жеті мың тонна жеміс-жидекті қабылдай алады. Әрі оны отандық және көршілес мемлекеттің нарығына шығаруға мүмкіндігі бар. Кәсіпкер аталған жобаның алғашқы кезеңін жүзеге асырды.

       Жаркент өңірінде мыңнан аса бағбан жеміс-жидек өсірумен айналысады. Кәсіпкер келер жылы солармен тығыз байланыс орнатпақ. Сөйтіп күзде жергілікті шаруалардың өнімін алып, қыста нарыққа шығаруды жоспарлап отыр. Ол үшін алты мың тонналық қойма құрылысын қолға алды. Облыста осындай тағы екі нысан салынады. 

       Өңірде азық-түлік қауіпсіздігін қамтитын 31 қойма бар. Онда биыл 40 мың тоннаға жуық жеміс-жидек пен көкөніс сақталады. 

       Ақпарат дереккөзі: .24.kz