Жаңа жыл мейрамы қарсаңында «Сапалы Қазақстан» порталының тілшілері Алматы қаласында орналасқан танымал базарлардың бірінде сауалнама жүргізіп, қалалықтардың мерекелік дастарханға жұмсайтын шығындарын санап шықты.

Жаңа жылға мерекесіне аз-ақ уақыт қалды. Мерекелік дастарханға керекті заттарды бүгін-ертең тезірек сатып алу керек. Әйтпесе, баға әп-сәтте көтерілуі мүмкін. Сауалнама барысында аңғарғаныздай, жаңа жылдық дастарханға қажетті азық-түлік, басқа да заттарға жұмсалатын  шығын қазірдің өзінде ең төменгі жалақыдан әлдеқайда асып кетеді.

 Жаңа жыл мерекесіне жұмсалатын ақшаны барынша үнемдеуге тура келеді.

 Алматы базарларының бірінің келушілері мен жұмысшыларының айтуынша, баға өткен жылмен салыстырғанда 1,5 есеге өскен, ал жаңа жылдық дастарханға 50 мыңнан 100 мың теңгеге дейін қажет болады. Біз сөзге тартқан тұрғындар өз ойларымен бөлісті.

 Жүрсін мен Ләззат, ерлі-зайыптылар: 

 «Жаңа жылды бірге қарсы аламыз. Үстелге нақты не қоятынымызды әлі ойлаған жоқпыз. Біз балық пісіретін шығармыз. Қызымызға баруды ойладық. Сыйлықтарды ескерсек, жаңа жылдық мерекелерге шамамен 100 мың теңге жұмсауға тура келеді. Өнім 150 пайызға қымбаттаған».

 Ниязбек, сатушы:

«Кем дегенде 500 мың теңге. Отбасымызда алты адам бар, оның төртеуі бала. Жемістер мен салаттармен әдемі дастархан жасап, сонымен қатар сыйлық жасасаңыз, онда шығындар өте жоғары болады».

 Бағлан, сатып алушы:

«Менің ойымша, 50 мыңнан астам ақша кетеін шығар. Базарға келе салысымен сұрастырып көрсем, бір балықтың құны 50 мың теңге шамасында болып тұр. Сапалы алкогольді ішімдіктердің бағасы да қымбат. Мен балаларға алатын сыйлығымды есептеп тұрған жоқпын.  Қазір бір ғана шоколадпен құтылу мүмкін емес, оларға ойын консольдері мен iPhone телефондары қажет. Өзіңіз білесіз, бүгінгі балалардың сұранысы мүлдем басқаша. Әпермесек, тағы болмайды. Олар Жаңа жылды сонша сағынып күтеді емес пе?»

Жомарт пен Сәуле, ерлі-зайыптылар:

«Біздің отбасымызда бес адам бар, оның ұшеуі бала. Биыл тағы да қонақ шақыруды жоспарлап отырмыз. Біз бүгін балаларға кәмпит сатып алмаймыз, тек ойыншықтар мен жемістер аламыз. Бұған шамамен 50 мың теңге кетеді деп ойлаймы3».

 Мария Петрова, зейнеткер:

«Өте қымбат. Жаңа жылды жұбайым екеуміз ғана қарсы аламыз, бірақ биылғы дастархан былтырғыдан алдыңғы жылдарға қарағанда 1,5 есе қымбатқа түседі. 200 грамм қызыл уылдырық, жарты келі қызыл балық, қазы, үйрек сатып алдым. Мен әдетте жемістерді кесіп, тәрелкеге ​​әдемі етіп орналастырамын. Енді санап көрейік: тек уылдырық пен қазыға 14 мың, балыққа 5 мың, үйрекке 5 мың теңге, мантыға етке, тауық қанатына қосымша 15 мың теңгедей төледім. Минералды су, шырындар, тәттілер. Мен шампан ішпеймін, оның орнына жүз грамм арақ ішемін. Жаңа жылдық дастархан 70 мың теңге тұрады деп ойлаймын».

 Жайнар, сатушы:

«Жаңа жыл мерекесіне 100 мың теңге жұмсайтын шығармын. Көп балалы отбасымыз. 100 мың теңге аз ақша емес, әрине. Басқа нәрселерге ақша жұмсамауды, барынша үнемдеуге тырысамыз».

Қалампыр, сатушы:

«Мен алдын ала есептеп шықтым. 4 адамға лайықталған ең қарапайым үстел 30 мың теңге тұрады. Салаттар, бір ыстық тағам, жемістерді ғана есептедім. Балаларым есейіп қалды. Бірақ сонда да қажетті азық-түлікке 30 мың жұмсасам деп отырмын. ».

Жалпы, зерттеу қорытындысы көрсеткендей, алматылықтар Жаңа жылды үйде қарсы алуды жоспарлап отыр. Олардың көпшілігі  мерекеге көп қаржы жұмсамау үшін мүмкіндігінше үнемдеуге тырысып отыр.

Любовь Немоляева. Жаңа жыл қарсаңында көз жасымды төктім.

Базарлар мен дүкендерді араламас бұрын дайындайтын тағамдардың, сондай-ақ сусындар мен тәттілердің тізімін жасап адым. Үш-төрт адамға арналған классикалық жаңа жылдық дастарханның шамамен мәзірі, менің ойымша, мынадай болады: «оливье»салаты, «сельдь под шубой» салаты, краб таяқшасы салаты, негізгі ет тағамы (пеште піскен тауық еті), гарнирлер ( картоп пюресі, жай ғана қайнатылған), желе еті, салқындатылған ет, уылдырық қосылған бутербродтар, жемістер (мандарин, алма), тәттілер (кімпит, торт). Алкогольді сусындардан шампан міндетті түрде қажет, арақ та қажет. Алкогольсіз сусындар: шырындар, минералды сулар және т.б. естен шығармау керек.  Нәтижесінде жаңа жылдық дастархан маған шамамен 47 мың теңгеге айналады.

Байқағанымыздай жаңа жылдық дастарханға ең кем дегенде 50 мың теңге керек. Бұл сома біреулерге көп, енді біреулерге аз болуы мүмкін. Сауалнамаға қатысқандар баға көтеріліп жатқанымен жалақы,  зейнетақы көлемі өспейтінін алға тартты. Сондықтан болар, ақшаны барынша үнемдеу көптеген отандасымыз үшін қажеттілікке айналып бара жатқандай.  Өйткені, мандарин, аұұайнардан бөлек, балалар мен туыстарымызға сыйлықтар сатып алуымыз керек. Мұның сыртында  көптеген несие және коммуналдық төлемдерді төлеуіміз керек. Әйтседе, Жаңа жылдан жақсылық күтіңіз. Мереке түнінде айтылған тілектер қабыл болсын!  

Сайтта жарияланған фотолар ашық көздерден алынды.