Ыстықкөлде жергілікті тұрғындар үшін жеке меншік жағажайлар ашылады

Қырғыстан президенті Садыр Жапаров Ыстықкөлдегі барлық жағажайды жергілікті тұрғындардың демалысы үшін ашты

1 шілдеден бастап Ыстықкөл облысының көлдің курорт-рекреациялық аймағындағы елді мекендерінің тұрғындарына меншік түріне қарамастан және ешбір шектеусіз барлық жағажайды пайдалануға рұқсат етіледі.

Жапаров жұма күні "Ыстықкөл облысындағы елді мекендердің тұрғындарының жағажай аймақтарына кіру құқығын қамтамасыз ету туралы" жарлыққа қол қойды, деп хабарлайды қырғыз БАҚ-тары.

"Ыстықкөлдің табиғи әлеуеті Қырғызстан халқының қазіргі халқы және болашақ ұрпағының меншігі болып табылады. Бүгінгі таңда Ыстықкөлдің курорт-рекреациялық аумағында орналасқан көптеген курорт-рекреациялық (шипажайлар, пансионаттар, демалыс үйлері, коттедж ауылдары) нысандар әртүрлі қоршаулар орнату арқылы елді мекен тұрғындарының жағажай аймақтарына кіру мүмкіндігін шектесе, бұл осында орналасқан елді мекен тұрғындар наразылығын туғызып отыр", - деп жазылған қаулыда.

2022 жылдың 1 шілдесінен бастап Садыр Жапаровтың жарлығымен мыналар қарастырылады:

жоғарыда аталған азаматтардың тиiстi елдi мекен шегінде орналасқан жағажай аймақтарына, оның iшiнде меншiк нысанына қарамастан шипажайлардың, пансионаттардың, демалыс үйлерiнiң, коттедж ауылдарының аумақтарына кедергiсiз кріуін қамтамасыз ету;

Ыстықкөлдің жағажай аймақтарында орналасқан, кеңінен ашылатын дарбазамен қамтамасыз етілмеген және азаматтардың оларға еркін кіруіне кедергі келтіретін қоршауларды (қабырғаларды, торларды, металл торларды) бөлшектеу, сондай-ақ алдағы уақытта оларды тұрғызуға тыйым салу;

меншiк нысанына қарамастан санатор шипажайлардың, пансионаттардың, демалыс үйлерiнiң, коттедж ауылдарының басшыларын жағажай аймағын биодәретханалармен қамтамасыз етуге мiндеттеу;

меншiк нысанына қарамастан жергілікті халықтың тиісті елді мекеннің шекарасында орналасқан жағажай аймақтарына, оның ішінде шипажайлардың, пансионаттардың, демалыс үйлерiнiң, коттедж ауылдарының аумақтарына кіруіне шектеулер белгілеу фактілерінің алдын алу және жолын кесу бойынша шаралар кешенін қабылдау;

курорттық- рекреациялық нысандардың аумақтарында қоғамдық тәртіпті сақтау қажеттігі туралы халық арасында түсіндіру жұмыстарын жүйелі түрде жүргізу;

Қырғыз Республикасы заңнамасының жоғарыда көрсетілген ережелерін, сондай-ақ осы қаулы талаптарын орындаудан бас тартқан жалға алушылармен тиісті жалдау шарттарын белгіленген тәртіппен бұзуды қамтамасыз ету;

Ыстықкөл көлінің курорттық-рекреациялық аймағында орналасқан Ыстықкөл облысының елді мекендерінде жалпы қолжетімді жағажай аймақтарын ұйымдастыруды қамтамасыз ету.

Сондай-ақ, мемлекет басшысы жарлығының орындалуын бақылауды оның Ыстықкөл облысындағы уәкілетті өкілі, сондай-ақ аудандық мемлекеттік әкімшіліктердің басшылары, жергілікті өзін-өзі басқару органдары мен Балықшы, Қаракөл, Шолпан-Ата елді мекендерінің мэрлері және Ыстықкөл облысының ішкі істер басқармасының басшысы жүзеге асырады.

Сонымен қатар, көрші ел президенті министрлер кабинетіне 1 тамызға дейін Ыстықкөл облысының курорттық-рекреациялық аймағындағы нысандарды салу, абаттандыру, техникалық пайдалану және күтіп ұстау қағидаларының жаңа редакциясын әзірлеуді және бекітуді тапсырды.

Мәтіндегі ақпарат туралы