Жамбыл облысының тұрғыны Ұлытау облысында заңсыз алтын өндірген, деп хабарлайды Polisia.kz.

Оңай олжа таппақ болғандар өз ойын Жаңаарқа ауданында жүзеге асырмақ болған.

Оқиға орнынан 23 адам ұсталды. Оның ішінде Жамбыл облысының 29 жастағы тұрғыны жерасты “кәсіпорнын” ұйымдастырған.

"Күдіктілер құрамында алтыны бар бар кенді ашық игеруден алған, содан кейін оны ұсақтап, жуған. Оқиға орнынан полицейлер таразы, ұсатқыш станок, құрамында алтыны бар 2 тоннадан астам кен, шамамен 70 грамм алтын тәркіледі", - дейді ведомство.

Заңсыз кен орнынан 7 арнайы техника: жүк көліктері, жүкті өзі түсіретін техникалар, экскаватор тәркіленді. Суық қару да табылған. Күдіктілердің үстінен бірнеше бап бойынша тергеу жүріп жатыр.

"Әскери оқпен ату үшін қайта жасалған тапанша тәркіленді. ҚР Қылмыстық кодексінің 295-1-бабы "Археологиялық жұмыстарды заңсыз жүргізу", 287-бабы "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру" және 288-бабы "Салық салынатын кірісті азайту" бойынша сотқа дейінгі тергеу басталды", - дейді полиция.

Қазақпарат