Ұлттық статистика бюросы еңбек нарығының қалпына келуі туралы хабарлады

2021 жылғы III тоқсанда республика экономикасында 8,8 млн. адам жұмыспен қамтылды. Жұмыспен қамтылған халықтың арасында 6,7 млн. адам (жұмыспен қамтылғандардың жалпы санынан 76,1%) жалдамалы қызмет бойынша жұмыспен қамтылған. Жұмыссыздар саны (Халықаралық еңбек ұйымының әдіснамасы бойынша) 450,7 мың адамды, жұмыссыздық деңгейі – 4,9% құрады. Бұл туралы Ұлттық статистика бюросы хабарлады.

Еңбек нарығы қалпына келе бастады. 2021 жылғы III тоқсанда 2021 жылғы II тоқсанмен салыстырғанда негізгі жұмыс орнында жұмыс көлемінің төмендеуіне (толық емес жұмыс күні) немесе жұмыс берушінің бастамасы бойынша аз сағат жұмыспен қамтылғандар саны 5,3 пайызға азайды және 242,9 мың адамды құрады.

Қызметті тоқтату себебіне байланысты уақытша жұмыс істемейтіндер саны 3,6 мың адамды құрады. Оның ішінде 19,7% - көлік және жинақтау, 15,5% - тұру және тамақтану бойынша қызмет көрсету, 15,3% - өнер, ойын-сауық және демалыс.

Жұмыспен қамту органдарында 2021 жылғы қазан айының соңына 193,5 мың адам жұмыссыз ретінде ресми тіркелген. Тіркелген жұмыссыздар үлесі жұмыс күшінің санының 2,1%-ын құрады.

Мәтіндегі ақпарат туралы